السبت، أبريل 21، 2012

أتوبيس الثورة

أسباب الثورة: السواق حط ابنه على حجره وسابه يسوق الأتوبيس فقعد يلف بالأتوبيس عشان يوصل صحابه وقرايبه وينزل كل واحد قدام خرم باب بيته 

بداية الثورة: الثوار وقفوا الأتوبيس ونزلوا السواق
معضلة الثورة : الثوار قالوا دي ثورة مالهاش سواق ومينفعش نخلي أي حد فينا يسوق فطلبوا من الكمساري يسوق فمعرفش ينقل السلطة ونسي يدوس دبرياش والجيربوكس قفش فالأتوبيس عطل

ركوب الثورة : نزل الثوار وقعدوا يحاولوا يزقوا الأتوبيس ف ناس تانية اتشعبطت وطلعت وقعدت بسرعة عالكراسي

سرقة الثورة: بينما انشغل الثوار في محاسبة السواق القديم والكمساري - الناس التانيين سهوهم وقعدوا ف كرسي السواق ودوروا الباص وطلعوا بيه على قطر عن طريق السعودية




بهريز الثورة : الثورة هي تغيير سريع في القيم الحاكمة لتوزيع كراسي الأتوبيس - لكن الثابت ان الثوار مالهمش ولا كرسي لا قبل ولا بعد الثورة - لأنهم قبل الثورة كانوا واقفين في الأتوبيس - وبعد الثورة بقوا واقفين في الشارع

ليست هناك تعليقات:

My Page on Facebook

Wael Nawara on Facebook