الاثنين، أبريل 16، 2012

الحل: فريق رئاسي من مرشحي الثورة بقيادة الصباحي


أولاً أنا مش ناصري

عشان بس نوضح الأمور

ولكن :

اتمنى تكوين فريق رئاسي ثوري بقيادة الصياحي وعضوية ابو الفتوح وخالد علي والحريري ونور وبثينة كامل والبسطويسي ولو ربنا هداه يمكن كمان ينضم لهم أبو إسماعيل

واحد ذكي يقوللي - بس أبو الفتوح حملته أقوى - ليه ما يكونش هو قائد الفريق؟

أرد عليه:
الأفضل ان تكون القيادة لشخص من خارج التيار الإسلامي لأحداث توازن بين البرلمان والرياسة

يسأل تاني: ما هو ذكي  - طيب وإيه اللي يجبر أبو الفتوح على كده؟

ما فيش إجبار ولا حاجة - بس لو أبو الفتوح وصل للإعادة - احتمالات إنه يخسر في الإعادة أكبر - لأن الناس حتبقى عايزة حد يعمل توازن مع أغلبية البرلمان اللي هيه مع الإسلاميين - فهتنتخب المرشح التاني


حبايبنا المرشحين الثوار: أن تكون عضوا في فريق لديه فرصة في الفوز - أحسن ما تنزل لوحدك وتجيب 3% وتقلش من أول شوط

أو تجيب 22% وتقلش من تاني شوط


المرشح من دول يفكر:فيه 50 ألف صندوق - أنا لو جبت 30 صوت في كل صندوق هاوصل للإعادة- والرد: إيه المناسبة؟ مش هتجيب ولا 3 أصوات في كل صندوق

لو مرشحي الثورة لم يتحالفوا من الآن - أود أن أهنيء السيد عمرو موسى بالرئاسة - والسبب أن من سيحصل على المركز الثاني ويصل للإعادة لن يفوز - والأفضل التحالف من الآن




ليست هناك تعليقات:

My Page on Facebook

Wael Nawara on Facebook