العلاقة بين مولد أبو حصيرة وحزب الوفـد
اللي زعلانين من احتفال اليهود بمولد أبو حصيرة - ممكن أعرف زعلانين من إيه؟
يعني لو المسلمين في بريطانيا أو ألمانيا مثلاً حبوا يحتفلوا بمولد السيد البدوي - نقولهم لأ عشان زعلانين من حزب الوفد؟
#ReligiousTolerance #Coexist
-- 
2 comments:
عموماً الناس مش هتفهم ده وكتير هيفهموا دعوتك ديه دعم للنظام الصهيونى مش دعم لحرية الاعتقاد ودعم لحريةالممارسات الدينية فى اى بلد واى مكان ولاى ديانة او اعتقاد اخر النهاردة لو دعمنا حق اليهود فى زيارة اماكنهم الدينية فى مصر او اى دولة عربية بالتالى بدعم برضو المسلمين فى اوروبا وامريكا لان اى تصرف ايجابى هينعكس على المسلمين او المسحيين او اى اعتقاد تانى اى كان بشكل ايجابى بس لو قلنا كده الناس هترد وتقولك ليه مانمنعش اليهود من الاحتفال بالمولد كما يمنعون الفلسطنيين الصلاة بالمسجد الاقصى ؟ وازاى حضرتك اصلا تتعاطف مع اليهود فى حرية ممارسة شعائرهم الدينية دول يهود خنازير اعداء الله والكلام الكبير ده مع الاخد فى الاعتبار ان كتير خالطين الصهيونية - باليهودية وهذا وانا شبه متاكده ان حتى لو تحقق السلام الناس مش هتتغير وفى نظرة اكثر تفائُلاً امامهم دهر ليتغيروا ويفهموا ان حرية الاعتقاد مالهاش دعوة بالمواقف السياسيةيعنى الدين لله وحرية الاعتقادللجميع والسياسة للساسة
شكراً على التعليق. فعلاً محتاجين نواجه بشجاعة الخلط الغريب بين اليهود كأصحاب دين - وبين الإسرائيليين كمواطني دولة، وبين الصهيونية كعقيدة سياسية توسعية، وبين سياسات إسرائيل كحكومة تنتهج منهجاً يتعارض مع الشرعية الدولية وحقوق الإنسان.
كلها أشياء مختلفة عن بعضها ولكن بالطبع الأسهل أن يضع البعض اليهود مع الصهيونيين مع سياسات اليمين الإسرائيلي كله في سلة واحدة.
شكراً على التوضيح
Post a Comment