--
Thank You.
Best Regards,
Wael Nawara
Best Regards,
Wael Nawara
Wednesday, January 26, 2011
آسف لا أستطيع فتح التويتر Sorry, Can't Access Twitter
لكل من يتابعون
لا أستطيع في معظم الأوقات ولوج التويتر
لكن من البلوج دا مربوط بالتويتر والفيسبوك
شباب مصر مستعد للموت عشانها
واحنا مش حنكون أقل منه
حننزل في كل مكان وحنقول
الشعب - يريد - إسقاط النظام
النظام الواثق من نفسه يحجب التويتر ويوقع شبكات المحمول The Regime Blocks Twitter and Suspends Mobile Service
النظام اللي بيقولك دول اربعين ألف لا يعبرون عن 80 مليون أقوله
أولاً دول ما كانوش 40 ألف - مش حقولك عد كويس - لأنك معروف بالتزوير - الـ 19 صوت فرط عندك يتقلبوا بقدرة قادر 119 ألف صوت
انت طول عمرك ضلالي وتاكل مال النبي وتحلي بالصحابة
مظاهرة التحرير وحدها في وقت من الأوقات كان فيه بحر من البشر يصل إلى 3 أو 4 استاد كورة يوم الأهلي والزمالك واسأل الصور يا مفتح
يعني 200-300 ألف يا ابو الفقها
وفي كل مدينة مصرية - المحلة - السويس - اسكندرية الباسلة - وغيرها وغيرها - عشرات الآلاف من خيرة شباب ورجال ونساء وأطفال مصر نزلوا يقولوا لأ
يعني ما يقرب من مليون مصري نزلوا يقولوا لأ
مليون مصري حطوا صدرهم قدام المدرعات وقنابل الغاز والرصاص يا جبان
ولا انت حتكذب الكذبة وتصدقها
وبعدين لما انت برم كدا والناس بتحبك
فين هما الناس دول اللي بيموتوا في دباديبك
إياك تكون فاكر اللي اشتروا 750 ألف تكييف كانوا حيعملوا مظاهرة يشكروك
لما انت برم كدا - وواثق من نفسك ومن حب الناس ليك - أمال قفلت التويتر ليه؟
وقعت شبكات المحمول ليه؟
أما الداخلية اللي بيستفردوا بالمتظاهرين ورا المسيرات - شجعان أوي أوي - بس خدوا بالكم - التاريخ بيسجل
لما كان بيقع عسكري أمن مركزي غلبان - كنا بنحجز عليه ونشيله قبل ما تدهسوا الرجلين
لكن دي أخلاق الفرسان - أخلاق الشباب المصري
أما الجبنا
فأخلاقهم خلاف
أنا بقولك
اللي بيضرب أهله وناسه
يبقى جبان من ساسه لراسه
وشبكة المحمول مش هي الشبكة الوحيدة اللي حتقع في مصر
دا فال حلو إن شبكة الفساد كمان حتقع
وحيقع معاها النظام
أسأل نفسك - لو وقعت شبكة الفساد - لو العالم الحرامية اللي ماشيين في ديلك عشان الأراضي والنهب العام - بطلوا ياخدوا تراخيص للنهب العام - تفتكر كام واحد حيفضل ماشي معاك؟
عد كدا؟
ولا واحد
وشبكة المحمول مش هي الشبكة الوحيدة اللي حتقع في مصر
دا فال حلو إن شبكة الفساد كمان حتقع
وحيقع معاها النظام
أسأل نفسك - لو وقعت شبكة الفساد - لو العالم الحرامية اللي ماشيين في ديلك عشان الأراضي والنهب العام - بطلوا ياخدوا تراخيص للنهب العام - تفتكر كام واحد حيفضل ماشي معاك؟
عد كدا؟
ولا واحد
يوم ما شبكة الفساد حتقع
حيقع معاها النظام
موعد مع الثورة A Date with Revolt
المنظرون والمحللون واليائسون قالوا - "الثورة مش بميعاد"
لكن المصريين اتواعدوا ينزلو يوم 25 يناير الساعة 2 - ساعة العبور
وفي الميعاد - بعدها بشوية أو قبلها بشويتين - المصريين نزلوا عشان يعملوا ثورتهم
قالك المصريين عندهم مشكلة في المواعيد - لكن في الميعاد دا بالذات - المصريين نزلوا عشان الثورة يهتفون - الشعب يريد تغيير النظام
ناس اتعوروا وناس اتقبض عليهم وشهداء ماتوا
ناس عملوا إضراب وناس سدوا الشوارع
انهارت البورصة ووقف المرور ساعات ويمكن ايام
لكن دا تمن بسيط جدا للحرية والكرامة
عيش - حرية - كرامة إنسانية
Subscribe to:
Posts (Atom)