يجب مقاضاة مرسي بتهمة الحنث باليمين الدستوري والخيانة العظمى وتعريض أمن البلاد ووحدتها واستقرارها لمخاطر جسيمة تهدد المصالح العليا للوطن
Sent using BlackBerry® from mobinil
Saturday, November 24, 2012
الجمعية الوطنية للتغيير تدعو الشعب لمقاومة الانقلاب على الثورة والدولة
الجمعية الوطنية للتغيير
فى
23/11/2012م
فى
23/11/2012م
يا جماهير شعبنا العظيم : قاوموا الإنقلاب الإخوانى على الثورة والدولة
تطالب الجمعية الوطنية للتغيير القوى الثورية المؤمنة بمبادىء وأهداف ثورة 25 يناير العظيمة والمحتشدة فى ميدان التحرير قلب الثورة النابض وكل ميادين التحرير في ربوع الوطن ، بالدفاع عن الثورة والدولة المصرية فى معركة المصير والوجود ضد الإنقلاب الإخوانى على كل مقدرات البلاد ، وتؤكد أن المؤامرة التى يقودها مكتب الإرشاد بالتواطؤ مع أمريكا والقوى الرجعية فى المنطقة والتى تستهدف الدستور ودولة القانون ومؤسسات وأجهزة الدولة المصرية العتيدة ، لن تمر إلا على أجساد الثوار الذين ضحى المئات من أطهر وأنبل شبابهم بالأرواح
والدماء ونور العيون من أجل بناء نظام ديمقراطى تتحق فيه الحرية والكرامة والعدالة الإجتماعية والتنمية ..
وتعلن الجمعية الوطنية للتغيير أنها قررت بالتنسيق مع القوى الثورية ما يلى....
أولاً:- الإعتصام المفتوح فى ميدان التحرير وفى كل الميادين حتى إسقاط الإنقلاب الإخوانى الذى قامت به الجماعة غير الشرعية والتى قررت الإنقضاض على كل مؤسسات الدولة.
ثانياً:- مناشدة جماهير الشعب المصرى العظيم مقاومة هذا الإنقلاب وتوحيد الصفوف وراء الميدان فى معركة المصير التى تستهدف إستعادة الثورة والدولة المصرية ، وعدم الإنجرار إلى دعوات العنف أوالتورط فى الهجوم على قرارات الجماعة غير الشرعية وحزبها لأن الثورة نجحت فى إسقاط النظام البائد بسلمية المظاهرات والإحتجاجات والإعتصامات وسوف تظل متمسكة بسلمية تحركاتها حتى إسقاط النظام الإنقلابى الذى يقوده مكتب الإرشاد .
ثالثا:- دعوة كل شرفاء القوات المسلحة والشرطة والقضاء والإعلام للعمل على حماية الثورة والدولة من مخططات إختطافها من قبل جماعة غير شرعية عابرة لحدود الوطن وتضع مصالحها فوق مصلحة الأمة المصرية .
رابعاً:- التأكيد على أن نظام جماعة الإخوان تحالف مع الأجهزة الفاسدة لنظام حسنى مبارك لإجهاض الثورة وإختطاف الوطن بعد إختطاف الثورة والدستور وفى هذه اللحظة التاريخية الفارقة تناشد الجمعية والقوى الثورية كل الذين أيدوا جماعة الإخوان متوهمين أنها منتمية للثورة وتعمل لصالحها ، أن يعودوا إلى صفوف الثوار لأن تأييدهم لهذا الإنقلاب الإخوانى على الثورة والدولة جريمة فى حق الوطن ترقى إلى الخيانة العظمى .
خامساً:- تؤكد الجمعية والقوى الثورية أن النظام الإخوانى الذى تولى السلطة بعد إنتخابات فرضت على الشعب المصرى الإختيار بين مرشح الجماعة ومرشح نظام مبارك , فشل فشلاً ذريعاً فى حل مشاكل الجماهير وتخلى عما سمى وعود ال100 يوم الأولى , بل إنحاز لنفس توجهات وسياسات النظام البائد التى تهمش الفقراء وتسحقهم ، وظهر ذلك جليا في قراره برفع أسعار البنزين وغاز المنازل وأنابيب البوتاجاز ، فضلاً عن أنه يخطط لرفع الدعم بالإتفاق مع صندوق النقد الدولى ، متخليا بذلك عن أهم مطالب الثورة وهى العدالة الإجتماعية .. كما تخلى الرئيس الإخوانى عن وعوده للقوى الوطنية بإعادة تشكيل الجمعية التأسيسية وتكليف شخصية وطنية مستقلة برئاسة حكومة إئتلاف وطنى ..كذلك تخلى عن حماية الوحدة الوطنية وأطلق العنان لشراذم المتطرفين ليكفروا علناً إخوتنا فى الوطن , بل بلغ الأمر تكفير القوى الوطنية التى تعارض إستفراد الإخوان بالسلطة , ناهيك عن عجز هذا النظام عن حماية الأمن القومى المصرى وعن الدفاع عن سيناء مما يهدد بضياع جزء عزيز من أرض الوطن .
سادساً:- ترى الجمعية والقوى الثورية أن لجوء الرئيس الإخوانى إلى هذه القرارات الكارثية التى تضرب بكل مقومات الدولة عرض الحائط وتصنع منه حاكماً مستبداً بصلاحيات مطلقة ومحصنة , جاء بعد حملة منظمة على حرية الصحافة والإعلام لتكميم كل الأصوات الحرة المطالبة بالتمسك بأهداف الثورة وتنفيذها .
وأخيرا.. فإن الجمعية والقوى الثورية المعتصمة بميدان التحرير الذى إستعاد روح ثورة يناير العظيمة , تعيد التأكيد على سلمية تحركاتها وتؤكد أن وفاءها لدماء الشهداء الأبرار يفرض عليها الدفاع عن الثورة التى وصفها العالم بأنها الأعظم فى تاريخ البشرية .. إنها معركتنا الأخيرة ..فإما النصر أو الشهادة..
Sent using BlackBerry® from mobinil
Friday, November 23, 2012
مغالطات المساء والسهرة
الدكتاتورية
المؤقتة تؤدي لبواسير مزمنة
هيه
طبعها كده ...
عاملين
زي اللي بيوقف في الموالد، ومعاه ترابيزة بتتطبق، وكام ورقة كوتشينة وفين
السنيورة ...
وطبعا
حواليه كام واحد من أهله وعشيرته، من المستشارين والإعلاميين من عينة عماص وأبو
بركات، يحبشوا الموضوع ويعملوا إن اللعبة كسبانة، عشان يخموا الضحية المسكين ...
خد
عندك مثلاً ... الإعلان اللا دستوري ...
مادة
بتتكلم عن حقوق الشهدا ومحاكمات القتلة ... جميل ...
ومادة
بتتكلم عن مش عارف مدرك إيه ... رائع ...
وهوب
تدخل على بقية المواد، تلاقيها كلها بتدي لمرسي وأهله وعشيرته، صلاحيات إلهية، لم
يحصل عليها أي حاكم لمصر منذ قورش، في القرن الثاني عشر قبل الهجرة ...
مواد
تحصن قراراته ما سبق منها وما لحق ...
ما
قد صدر منها وما قد يصدر ...
ما
يصدر عنه بالقصد وما يصدر عنه بالخطأ ....
مثلاً
يجد حاجب الرئيس - شماشرجي الفرمانات - ورقة على مكتب الرئيس، فيسرع في إصدارها كقرار
محصن، ثم يكتشف الشعب إنها كشف طلبات بقالة وخضروات ومستلزمات للبيت، تركتها حرم
الرئيس على مكتبه لتذكره بها ...
وطبعا
تصدر في إعلان إلهي، ولا يمكن مراجعتها لأنها محصنة ...
ثم
يأتي أحد مساعديه – عماص – وهو أحد أهم أفراد أهله وعشيرته، ويخرج علينا بأحد
الألاعيب - تماما مثل المحيطين بترابيزة السنيورة إياها ...
بيقول
إيه يا سيدي ...
قالك
إسكت ... أصل إنتو مش عارفين ... الدكتاتورية اللي مزعلاكم دي ... دكتاتورية
مؤقتة ... شفتوا بأه كنتم فاهمين غلط وظالمينا إزاي؟
بالأمارة
أول ما الدستور الجديد يطلع ويوافق عليه الشعب ب"نعم" في الاستفتاء -
حنلغي الإعلان اللادستوري الدكتاتوري اللي مش عاجبكم ...
يا
سلام سلم ... طيب وافرض يا عم عماص إن الشعب موافقش؟
يرد:
بسيطة ... يفضل الإعلان اللادستوري ده شغال لحد ما الشعب يوافق ...
آه
عقاب يعني؟
يعني
يا إما الشعب يوافق على الدستور اللي انتو حاطينه بناسكو وأهلكم وعشيرتكم لوحدكم
خالص ... أو نفضل مبليين بالإعلان المشئوم؟
إلعب
غيرها ...
وبعدين
تعالى هنا يا دكتور عماص ... الفترة اللي فيها الإعلان الإمبراطوري
"المؤقت" ده ساري ... مش دي بردو الفترة اللي بنحط فيها الدستور وقوانين
الانتخابات وأسس العملية السياسية - قواعد اللعبة السياسية - أصول المنافسة؟
طيب
ما هو الإمبراطور - قصدي الريس - زي أي إنسان - شيطانه حيوزه علشان يفصل يعني
قواعد العمليات دي كلها - بحيث يعني يخلي القواعد دي لصالحه هو وأهله وعشيرته ...
وبالمرة
يرستق ناسه في الأماكن المهمة، وبردو شوية يضايق معارضيه – ويقفل القنوات اللي مش
بيحبها - والجرايد اللي أم أحمد بتستتقل دمها، يمكن لأنها مبتنشرش صور
حلوة للحاج - أو يمكن أنيل - عماله تنشر صور نميسة كده للراجل، بعد ما عمل النيو
لوك والمعاكسات ابتدت تشتغل على ودنه ...
يعني
بالمختصر يا عم عماص - الدكتاتورية
"المؤقتة" دي ممكن تؤدي والعياذ بالله لبواسير والتهابات
حادة مزمنة من جراء الدكتاتورية الدائمة اللي حتحط علينا ...
والبواسير
دي على فكرة بتيجي للحاكم والمحكوم ... الحاكم من كتر القعدة على الكرسي ...
والمحكوم الغلبان طبعا من كتر الـ ... الخوازيق
قام
عماص وشه اتغير وكأنه يا خويا زعل، وعمل نفسه يعني كأنه اتهان وقالك ...
إيه
ده - إنتو مش واثقين فينا ولا إيه؟
قلتلو
يا عم عماص - وثقنا فيكو لما قلتو مش منزلين رئيس ونزلتوا - وقلتوا حننزل على 30% في
البرلمان ونزلتوا على 100% ، وقلتوا حنعمل تحالف وقوايم سوا- سوا، وبعدين خدتوا كل
القوايم لحد نمرة 4 لأهله وعشيرته، واديتوا لشركاتكم بدءاً من نمرة 5 - يعني ساقط
ساقط - أو علشان ينجح بمعجزة - لازم 4 إخوان في عين اللي ما يصلي على النبي ينجحوا
قبليه ...
ونروح
بعيد ليه ...
مش
التأسيسية يا أخ عماص، وعدتم إنها تبقى متوازنة ومعبرة عن الشعب - دلوقتي بعد
انسحاب كل القوى المدنية والكنايس والنقابات - من كلامكم إنتو - إن عدد المنسحبين
أقل من 24 وما لهمش تأثير - يبقى إنتو كنتم جايبين الناس دي ديكور – وتقدروا
تخلصوا الدستور من غيرهم – فين التوازن هنا بقى؟
ونثق
فيكم إزاي تاني؟
هنا
ارتج الكلام على الأخ عماص ... وشاورلي كده على حاجة فوق وقال:
إيه
ده ...
تصور
- عصفورة في الاستوديو ...
وعلى
ما بصيت لفوق ودورت ما لقيتش حاجة، اتلفت حواليا لقيت فجأة الأخ عماص اختفى، ولم الترابيزة
والكوتشينة وكأنه فص ملح وداب ...
بس
لقيت ورقة كوتشينة واحدة مقلوبة على الأرض ...
كشفتها
...
طلعت
السنيورة ...
سبحانك
يا رب.
التحرير الآن: علي وعلي وعلي كمان - مش حنمشي مالميدان .... عيش - حرية - إسقاط التأسيسية
التحرير الآن: عم كمال خليل : العصيان المدني العام - هو طريقنا لقدام - ثورة ثورة حتى النصر
Subscribe to:
Posts (Atom)