لكل من يتابعون
لا أستطيع في معظم الأوقات ولوج التويتر
لكن من البلوج دا مربوط بالتويتر والفيسبوك
شباب مصر مستعد للموت عشانها
واحنا مش حنكون أقل منه
حننزل في كل مكان وحنقول
الشعب - يريد - إسقاط النظام
Wednesday, January 26, 2011
النظام الواثق من نفسه يحجب التويتر ويوقع شبكات المحمول The Regime Blocks Twitter and Suspends Mobile Service
النظام اللي بيقولك دول اربعين ألف لا يعبرون عن 80 مليون أقوله
أولاً دول ما كانوش 40 ألف - مش حقولك عد كويس - لأنك معروف بالتزوير - الـ 19 صوت فرط عندك يتقلبوا بقدرة قادر 119 ألف صوت
انت طول عمرك ضلالي وتاكل مال النبي وتحلي بالصحابة
مظاهرة التحرير وحدها في وقت من الأوقات كان فيه بحر من البشر يصل إلى 3 أو 4 استاد كورة يوم الأهلي والزمالك واسأل الصور يا مفتح
يعني 200-300 ألف يا ابو الفقها
وفي كل مدينة مصرية - المحلة - السويس - اسكندرية الباسلة - وغيرها وغيرها - عشرات الآلاف من خيرة شباب ورجال ونساء وأطفال مصر نزلوا يقولوا لأ
يعني ما يقرب من مليون مصري نزلوا يقولوا لأ
مليون مصري حطوا صدرهم قدام المدرعات وقنابل الغاز والرصاص يا جبان
ولا انت حتكذب الكذبة وتصدقها
وبعدين لما انت برم كدا والناس بتحبك
فين هما الناس دول اللي بيموتوا في دباديبك
إياك تكون فاكر اللي اشتروا 750 ألف تكييف كانوا حيعملوا مظاهرة يشكروك
لما انت برم كدا - وواثق من نفسك ومن حب الناس ليك - أمال قفلت التويتر ليه؟
وقعت شبكات المحمول ليه؟
أما الداخلية اللي بيستفردوا بالمتظاهرين ورا المسيرات - شجعان أوي أوي - بس خدوا بالكم - التاريخ بيسجل
لما كان بيقع عسكري أمن مركزي غلبان - كنا بنحجز عليه ونشيله قبل ما تدهسوا الرجلين
لكن دي أخلاق الفرسان - أخلاق الشباب المصري
أما الجبنا
فأخلاقهم خلاف
أنا بقولك
اللي بيضرب أهله وناسه
يبقى جبان من ساسه لراسه
وشبكة المحمول مش هي الشبكة الوحيدة اللي حتقع في مصر
دا فال حلو إن شبكة الفساد كمان حتقع
وحيقع معاها النظام
أسأل نفسك - لو وقعت شبكة الفساد - لو العالم الحرامية اللي ماشيين في ديلك عشان الأراضي والنهب العام - بطلوا ياخدوا تراخيص للنهب العام - تفتكر كام واحد حيفضل ماشي معاك؟
عد كدا؟
ولا واحد
وشبكة المحمول مش هي الشبكة الوحيدة اللي حتقع في مصر
دا فال حلو إن شبكة الفساد كمان حتقع
وحيقع معاها النظام
أسأل نفسك - لو وقعت شبكة الفساد - لو العالم الحرامية اللي ماشيين في ديلك عشان الأراضي والنهب العام - بطلوا ياخدوا تراخيص للنهب العام - تفتكر كام واحد حيفضل ماشي معاك؟
عد كدا؟
ولا واحد
يوم ما شبكة الفساد حتقع
حيقع معاها النظام
موعد مع الثورة A Date with Revolt
المنظرون والمحللون واليائسون قالوا - "الثورة مش بميعاد"
لكن المصريين اتواعدوا ينزلو يوم 25 يناير الساعة 2 - ساعة العبور
وفي الميعاد - بعدها بشوية أو قبلها بشويتين - المصريين نزلوا عشان يعملوا ثورتهم
قالك المصريين عندهم مشكلة في المواعيد - لكن في الميعاد دا بالذات - المصريين نزلوا عشان الثورة يهتفون - الشعب يريد تغيير النظام
ناس اتعوروا وناس اتقبض عليهم وشهداء ماتوا
ناس عملوا إضراب وناس سدوا الشوارع
انهارت البورصة ووقف المرور ساعات ويمكن ايام
لكن دا تمن بسيط جدا للحرية والكرامة
عيش - حرية - كرامة إنسانية
Quick Note About Today's Protests in Egypt #Jan25
We participated in demonstrations and stands all day in various parts of Cairo and Egypt - we had some casualities and many arrested - including Nour, Ayman Nour's son who was captured by SSI -
100,000 Egyptians managed to "Liberate" Liberation Square - Tahrir Sq. - and controlled it for around 10 hours ....
Demonstrators were generally very civilized and peaceful - but security responded with tear gas bombs, rubber bullets, savage beating and arrests of many
At the end, we went for rallies for tens of Kilometers - some 10,000 people continued to rally in the streets of downtown Cairo, Ramses, Sabtia, Shobra, Rod El Farag, Sahel ...
Sec. Clinton comments, I have not fully read them - but they sound disappointing and I think the US is making a big mistake, getting caught marching on the wrong side of history supporting dictators who will sooner or later be ousted from power
The Myth that MB is the only political force capable of moving thousands has been proven false - as the Muslim Brothers shamefully refused to participate - some of their members joined on individual basis - but generally the protesters were typical Egyptians - ordinary people who are centrists - not necessarily aligned with any political movements
Please follow this Blog for latest updates or Twitter @wnawara
تحرير ميدان التحرير Liberating Liberation Square
لساعات قليلة ... حرر مائة ألف شاب مصري متظاهر ميدان التحرير شبرا شيرا - بصورة سلمية - وضعوا أجسادهم أمام المدرعات - سدوا بأجسادهم مدافع المياه - تحملوا الدخان الخانق والقنابل الطائشة والرصاص المطاطي والخرطوش ....
اليوم المحلة محررة ... وغداً مصر كلها محررة
Subscribe to:
Posts (Atom)