الثلاثاء، يوليو 26، 2011

مصر أولاً



مصر أولاً وثانياً وثالثاً ورابعا ولحد آخر السكرين وبعدين آخر السلك وبعدين آخر الشارع والمدينة والمحافظة والبلد والقارة  والكرة الأرضية والمجرة

لأن احنا قمنا بالثورة أصلاً عشان بنحب مصر وعندنا شعور بالأخوة والزمالة لكل المصريين - ما ينفعش نقول - مش مهم البلد تولع لحد ما تنضف وبعدين نبقى نبنيها على نضافة

لأ ننضف بإيد ونبني بالإيد التانية

عظمة الثورة دي - إن اللي قاموا بيها ما كانوش عايزين حاجة لنفسهم

اللي هتفوا 

عيش - حرية - كرامة إنسانية - وعدالة اجتماعية

ما كانوش طالبين الحاجات دي لنفسهم بالذات

لكن لكل المصريين

كل واحد نزل يوم 25 وما بعده - مشروع شهيد

كنا كاتبين على صفحنا ومدوناتنا - يا نرجع لمصر بالحرية والديمقراطية والكرامة والعدالة - يا مش مهم نرجع

يعني بنحب مصر - أكتر من حبنا لحياتنا - ودا مش كلام دعاية - واسألوا آلاف الشهداء واللي تعوروا وربنا كتبلهم عمر جديد

عشان كدا

مصر أولا


ليست هناك تعليقات:

My Page on Facebook

Wael Nawara on Facebook