لماذا دعمك لحمدين صباحي يصب في مصلحة الثورة - تحليل انتخابي بخمس قروش اقراه وارميه ورا ضهرك

ممكن نخلينا واقعيين شوية ونحس بالناس؟

فيه ناس كتير جدا لا يمكن تنتخب الإخوان تحت أي ظرف - هيا كده - وحشين حلوين - فيه ناس ضدهم

خصوصا ان الإخوان دلوقتي أغلبية في البرلمان - والبشاير في لجنة الدستور وكدا غير مطمئنة

الناس دي هتدور - لو حسوا إن مفيش بديل مدني ممكن يوصل للإعادة - هينتخبوا موسى أو شفيق عدل

قول واحد

هما كدا

إنت راجل سبور ومتفتح لكن فيه كتلة انتخابية مش عايزة الإخوان يا أخي

وشايفة إن ابو الفتوح مع تقديرنا ليه - إخوااان ... أو كان إخوان لحد قريب ... أو فكره إخوان ....

إيه - غريبة يعني إنهم يحسوا بكده؟

لما تقول حمدين مالوش فرصة - وواحد مش عايز ينتخب الإخوان - مش هيروح لأبو الفتوح يا ناصح - هيروح لموسى أو شفيق - وصلت بأه؟

وحياة النبي تقول ... وصلت ولا لسه؟

:))