الأحد، يونيو 22، 2008

Surely in Egypt

خذوا الحكمة من أفواه المذيعين


يبقي انت أكيد في مصر








بقلم



مها شوقي الأسود






البرنامج الغريب اللي اسمه " يبقي انت أكيد في مصر" اللي بيعرض علي O TV...كنت من متابعيه في البداية لأنه كان مختلفا و يقدم مساوئ المجتمع المصري بشكل ساخر ، و لكن أبدا لم أشعر بتلك المعالجة غير المريحة إلا عند مشاهدتي حلقة اليوم.. .. الأستاذ المقدم المحترم، يقدم المشكلات بنظرة طبقية بشعة.. خاصة عند الحديث عند الطبقات الفقيرة أو محدودة الدخل ، أي حد دارس إعلام ، بلاش الدراسة ، أي حد عنده common senseهيفهم ان مقدم البرامج لازم يكون متواضع لأبعد حد ، و عند طرح المشكلات يجب أن يقدم نفسه و كأنه واحد ممن يتعرضون للمشكلة و ن يوجه مسار الحديث بحس جمعي متشارك و ليس فردي فوقي.




الأستاذ مكانش عاجبه ال"سرّيحة" اللي بيطلعوا في الأوتوبيسات يبيعوا علب مناديل و أقلام و محافظ و كده يعني..و عمل عليهم ريبورتاج.. و كان السؤال اللي بيسأله الريبورتر للبائع المتجول - اللي كانوا أغلبهم أطفال 12 و 14 سنة - : " إيه اللي حبّبك في الشغلانة دي؟ " يا حبيب قلبي؟؟!!!! العيال باين عليهم الغلب و البؤس و أكيد يعني مش حابين اللي هم بيشتغلوه و هو بيسأل إيه اللي حببهم في الشغلانة !!!!! طبعا أعلب الإجابات كانت " علشان مفيش غيرها " أو مش لاقي شغل " ... إجابة يعني منطقية المهم إن الأستاذ المقدم بعد الريبورتاج معلّقش علي صغر سن الأطفال اللي بيشتغلوا ، ولا علي حالتهم الصعبة ، ولا إزي نساعدهم ، ولا أي حاجة ... كان في منطلقين لكلامه:الأول أنهم أولاد مزعجين " أيّاااه" بيضايقوا الواحد و يخنقوا عليه و لازم تبقي في جمعيات أهلية تبنيلهم أكشاك و نخلص .. مش مثلا يفكر إزاي نطور من حياة أطفال و شباب زي دول للأفضل الثاني بقي و ده الأهم .. و تقريبا هو مكمل الأول .. إنهم من عالم تاني غير اللي بيعيش فيهخ الأستاذ ... هم كده .. خلقتهم كده .. ربنا خلقهم علشان يعملوا كده !!!!!!!!!!!!!!!!!!!!




بجد مش بهزّر ولا ببالغ ... آخر حاجة قالها كانت " كلٌ مُيسّر لما خُلق له" و إن دول اتخلقوا كده علشان كده هم بيعملوا كده !!!!!!بجد مش مصدقة؟؟؟؟ إيه اللي حصل في الدنيا؟ مفيش أقل قدر من الوعي؟ بلاش الوعي؟ من الإنسانية؟ التعاطف طيّب؟ مش كلنا عايشين في البلد دي ولا إيه ؟ مش مصريين دول ؟ هو إيه بقي هدف البرنامج؟ احترمته جدا لما افتكرنه يهدف للتنمية و التعرض للمشكلات ... بس اتصدمت لما لقيت كمية التهريج و الإستخفاف بالناس البسطاء اللي شاءت لهم الظروف يتولدوا في ظروف وحشة ماتعلموش ما عاشوش طفولتهم .. لقوا نفسهم بيلفوا في دايرة مغلقة و مفيش طريق للخروج.... مفيشكل ميسر لما خلق له؟؟؟؟ الأستاذ المتعلم المحترم؟؟؟ مين يقول ان الولاد دول ماعندهمش طاقات و إمكانيات بس للاسف هيطلعوها إزاي؟؟؟



صحيح خذوا الحكمة من أفواه السادة المذيعين.










مها شوقي الأسود





*****************************************




تعليق:







يخلق الله الناس متساوين
ثم يلقي علينا القدر بالمذيعين
سمجين
متعالين
متناسين
أن دورهم ليس في لوم الضحايا
ولكن في تعرية المفسدين
ومساءلة المجرمين
المسئولين
عن جرائم طال السكوت عليها
حتى أصبحت تمر علينا
دون أن تجفل قلوبنا
بروح الزمالة بين بني البشر


الذين خلقهم الله متساوين






وائل نوارة

ليست هناك تعليقات:

My Page on Facebook

Wael Nawara on Facebook